როდესაც მთებში ეშვება ბინდი,

როცა მზეა და როცა ნისლია,

ჩემი რიონი და თეთრი ხიდი,

ჩემი ჭაღარა ქუთაისია.

სულ სიყვარულის ცეცხლით ანათებს,

ყველა სიმღერა მხოლოდ მისია,

ჩემი ხატი და ჩემი სახატე,

ჩემი სიცოცხლე ქუთაისია.

მიმოქარგული მზით და მაისით,

აქ ყველაფერი ვარდისფერია,

ძველ იმერული სიდარბაისლით

სულ გულგაშლილი მასპინძელია.

აკვნებთან ისმის იავნანური

მაყარში თოფებს ისევ ისვრიან,

ჩემი დედული, ჩემი მამული

ჩემი ჭაღარა ქუთაისია!