ზემოუბანი,

ქვემოუბანი,

შუაბაზარი,

გარეთუბანი....

უნდა გაგრძელდეს ეს საუბარი,

თავის დიდ გზაზე დადგეს უფალი.

ჩემი ელია და ჩუღურეთი,

ღვინის აღმართი და ბამბის რიგი,

გაჩენის დღიდან რომ ვუყურებდი -

მეტეხი - ცისკენ დაძრული ფიქრი.

ერთხელ ხომ კიდევ უნდა მენახა,

ვიდრე ჩემთვისაც დარეკდა ზარი...

მადლობელი ვარ, რომ მომეახლა

ბავშვობისა სიზმრების მხარე.

ზემოუბანი,

ქვემოუბანი,

შუაბაზარი,

გარეთუბანი....

არ დასრულდება ეს საუბარი,

თავის დიდ გზაზე დადგა უფალი.