ქუჩებში თოვლის ქუდებით დადიან, ფიფქი ხის ტოტებზე რჩება თუ ცვივა; პატარა გოგონა გამოჰყავს ბებიას; გოგონა გუნდაობს, ბებიას სცივა.
თოვლს აყრის გამვლელებს ნაძვების მარაო, კმარაო - აჩქარებს გოგონას ბებია; გოგონა სიცილით პასუხობს - არაო.
მოიხსნის თავშალს და მოახვევს შვილიშვილს. მე ვხედავ საოცარ სითბოს და სიყვარულს ბებიას თვალებში, ბებიას ღიმილში.
ნაძვებიც ქათქათა საბნებით მორთულან. და უკვირს პატარას, ბებიას თავშალქვეშ რა თბილი, რა თბილი ზამთარი მოსულა. |
პოეზიის გვერდი • • • • • • ნოდარ დუმბაძის პოეზია |