მე შორის გზიდან მოვდივარ

მაღლის მთებიდან ბარადა,

მოვჩქეფავ, მოვეშურები,

მოვიმღერ ჰაი-ჰარადა.

მინდა გადმოგცეთ სალამი

ამწვანებულის მთებისა

სალამი კლდეთა ჩანჩქრების

და გაშლილ ყვავილებისა.

თვით ყვავილების ცრემლი ვარ,

ცვარ-ნამად გამოწვეული;

ერთს კალაპოტში ჩამდგარი,

დღეს ნაკადულად ქცეული.

იმ ყვავილების და ჩემი

ერთია წადილ-სურვილი -

გამხმარ ველ-მინდვრებს ვესხურო

და თქვენ მოგიკლათ წყურვილი.