სად იყო და სად არ იყო,

გზამ სადღა არ ატარა,

ძველი წელი გააცილა

ახალ წელმა პატარამ.

სწორედ ამ დროს თოვლის პაპაც

მოსრიალდა მარხილით,

ხურჯინი აქვს გატენილი

კანფეტებით და ხილით.

ყველა სტუმარს შეეგება,

ტყეში დიდხანს ატარეს,.

თოვლის პაპამ საჩუქრები                     

დაურიგა პატარებს.

ნაძვის ხესთან გაიმართა

ლხინი, ცეკვა-თამაში,

გაახარეს თოვლის პაპა

თეთრწვერა და ლამაზი.

ჩიტუნები ჭიკჭიკებენ:

ნეტავ, ეს დღე გაგრძელდეს,

ყოველ დილით ჩვენს კარს ნეტავ,

თოვლის პაპა აღებდეს!