- ახალი წელია, ახალი წელია...

ისმის ღიღინი ნელი.

ლიკა და ნიკა ბაბუას ელიან

ხურჯინით და გრძელი წვერით.

- ახალი წელია, ახალი წელია...

გიორგიც ღიღინებს ჩუმად.

ბუხართან დაკიდა ლამაზი წინდა,

საჩუქრად მანქანა უნდა.

თვალი ელულებათ ბაბუას ლოდინში

დარდობენ: - სადაა ნეტავ, 

სიზმრებშიც მოვიდა თოვლის ბაბუა,

ხურჯინი სავსე აქვს, ხედავთ?

აი, ახალი წლის დილა გათენდა,

სავსეა ბუხართან წინდა,

ნაძვის ხის გარშემო რა არ აწყვია,

სულო ნეტავ რა გინდა.

- ახალი წელია, ახალი წელია,

ატყდა ყიჟინი დიდი,

- ბაბუა მოსულა, 

თოვლის ბაბუავ, 

მადლობა, მადლობა დიდი!