სხვა ერებისთვის ცუდი არა მსურს,

ყველას სიკეთე გულწრფელად მინდა

და ერი ჩემი უფრო მიყვარდეს,

ნუთუ ეს გრძნობა არ არის წმინდა?!

სხვისი ერის შვილს გულით ვმეგობრობ,

მაგრამ ქართველი ძმად არ მერგება?!

და ჩემი ძმა რომ უფრო მიყვარდეს,

ნუთუ ეს ცოდვად მე ჩამეთვლება?!

რაც რამ ღონე მაქვს, სამშობლოს მივცე,

ეს მიკარნახა გრძნობამ, გონებამ

და თუ დამრჩება ძალა ზედმეტი

დაე, წაიღოს კაცობრიობამ.