დავკარგეთ გრძნობა, აღარ გვაქვს გონი,

გაგვიქრა სული მამაპაპური,

ჯილდო შეგვექნა ჭკუის საზომი,

და ძმობის ნაცვლად შური და შური.

***

ფარისეველო, გაუტანელო,

სხვასთან თავმხრელო, შინ ორმოს მთხრელო,

ნაგავის მყრელო, შენ ჭრელო გველო,

რამ შეგაძულა, სთქვი, საქართველო.

***

ჰე, ქართველო, კაცის ჩერო,

ქართლი შენგან არას ელის.

და, მაშ, როგორ დავიჯერო,

რომ შვილი ხარ შენ ქართველის?

***

ქალი იყოს, გინდა კაცი

ჩვენში ყველა არის გლახა

და სად ვძებნოთ იდეალი,

სჯობს ვიცინოთ, ხა, ხა, ხა, ხა!