თვითონ არ ვიცი, ასე რად ხდება,

სადაც კი ვნახავ ლამაზ მთა-გორებს,

სადაც ლამაზი მთა-ბარი მხვდება,

ჩემს საქართველოს რატომ მაგონებს.

მისი ხატება, როგორც ლამპარი,

მინათებს გზას და თან დავატარებ,

თუ სადმე მხვდება ტურფა ბაღნარი,

ჩემი სამშობლოს მთა-ბარს ვადარებ.

და მეც არ მინდა სხვა ნეტარება,

თუნდ დავიარო მთელი სამყარო,

ალბათ ვერ ვპოვებ სხვა შედარებას,

მხარე ლამაზი რომ შევადარო!