მცირე ხარ და უსაზღვრო ხარ

ვარსკვლავივით ამობრწყინდი.

მიხარია ქვეყნად რომ ხარ, 

რომ არასდროს არ მომწყინდი.

მიხარია, რომ გადავრჩით,

რამდენ ტანჯვას გამოვცილდით,

შენი სულის მონა გავხდით,

ცოცხალნიც და დახოცილნიც.

რომ გიჭირდა შენთან ვიყავ,

თავზე გადექ, არ მოგცილდი

რომელ ქალზეც მითხარ სიტყვა,

მეც იმ ქალზე დავქორწინდი.

შენი ხელით მოწვდილ შხამსაც,

სიხარულით გამოვცლიდი

ძველის წასვლას გაუმარჯოს

ახლის კალთას დავკოცნიდი.

მე შენს სახელს სანათელოს,

მეცხრე ცაზე გავსტყორცნიდი

გადღეგრძელებ საქართველო,

კიდევ უფრო აღორძინდი!