რაღაც მინდა სიცოცხლეზე მეტი,

უფსკრულია და შენ მარტო ჰკივი.

მე მაფიქრებს საქართველოს ბედი,

მე განვიცდი ჩემ სამშობლოს ტკივილს.

როგორც ოხვრა შორეული გედის,

ანდა როგორც მარმარილო ცივი,-

მე მაფიქრებს საქართველოს ბედი,

მე განვიცდი ჩემ სამშობლოს ტკივილს.

ვგრძნობ მსოფლიოს და უსაზღვროს ვეტრფი,

შენ გაიგებ ჩემს ამნაირ ტირილს.

მე მაფიქრებს საქართველოს ბედი,

მე განვიცდი ჩემ სამშობლოს ტკივილს.

რაღაც მინდა სიცოცხლეზე მეტი,

უფსკრულია და შენ მარტო ჰკივი.

მე მაფიქრებს საქართველოს ბედი,

მე განვიცდი ჩემ სამშობლოს ტკივილს.