როცა ვიღვიძებ ღამე დაღვრილ გარეჯის ცრემლებს,

ძაღვებში სისხლი მეყინება, სისხლი მიშრება,

- რა დაგიშავეს? - შემოვარდნილ ვერაგ სპარსელებს

ექვსი ათასი საუკუნე შეეკითხება.

გადაკაფული უამრავი სანთლების ცეცხლი

კვამლივით დადგა მიუწვდომელ ზეცის ბოლოში...

იმ მონასტერზე იყო თურმე ბუდე მერცხლების, 

მას აქეთ აღარ მოფრენილან საქართველოში.

სისხლის თქრიალი მატიანეს ფურცლებს გადარევს,

სისხლის მორევში ქართლის რისხვა ამოინთხევა,

- რა დაგიშავეთ? რას გვერჩოდით? - ირანელ ნადირს

ექვსი ათასი ბერის ლანდი შეეკითხება.