მოდი, მოდი, მოდი, მოდი

მაგ მოდური ხალათით!

ყველაფერი მომწონს შენი -

მომწონს სულაც ღალატი!

მომწონს შენი აივანი -

სავსე ნივრის გალათი!

ყველაფერი მიყვარს შენი -

თუნდაც შენი ღალატი!

შენ ხარ მუზა ჩემი ლექსის,

პოემის და ბალადის!

მხიბლავს შენი გაღიმება,

შესავალი ღალატის!

როცა თავზე ის რეგვენი

მოგახვიეს ძალათი -

სწორი იყო მაშინდელი

შენი მწარე ღალატი!

ჰა შენ - გული! ჰა შენ - ლექსი

და ვარდები - კალათით!

მენატრება შენნაირი

უცნაური ღალატი...