დრო ყველაფრის მკურნალია,

სიყვარულის გარდა -

კვლავ გაიხსნა სიყვარულის

იდუმალი ფარდა...

არ იქნა და ვერ იქნა და

წარსულს ვერ ჩაბარდა -

დრო ყველაფრის მკურნალია,

სიყვარულის გარდა!

ქალი - კაცი არ გეგონოს! -

რას გააწყობ ქალთან...

დრო ყველაფრის მკურნალია,

სიყვარულის გარდა!

იდგე უნდა გლახასავით,

ვირტუალურ კართან -

ყველა საქმეს ეშველება -

სიყვარულის გარდა...

გამშვიდებდნენ - გავა დროო!

ვინ რას გეტყვის მართალს! -

დრო ყველაფრის მკურნალია -

სიყვარულის გარდა...