გამოზრდილი ლეღვის რძით და მაწვნითა და დოთი -

შრიალებდა გაზაფხულის ბიჭუკელა ტოტი!

სამეგრელოს სანახებში გაჰკიოდა ჭოტი! -

ხმა არ ეყო - ვერ აეღო უმაღლესი ნოტი.

ჯერ - დარეცხა ჩანჩქერები საპნითა და სოდით,

მერე - სულ დააუთოვა ვარვარა უთოთი!

შრიალებდა, შრიალებდა ვარდობისთვის ტოტი:

- გეხვეწები, გევედრები, გელოდები - მოდი...

მომღერალი, მოცინარი, მოტირალი, მოტი...

მოტირალი, მომღერალი, მოტიტინე, მოტი...

შრიალებდა, შრიალებდა, შრიალებდა ტოტი:

გელოდები... გეხვეწები... გევედრები... მოდი...