ლამაზების ხელმწიფევ,

შემკობილო სრულადა,

ლამაზ საქართველოში

შენ ხარ თაიგულადა.

ედემისა ყვავილო,

ქვეყნად გადაშლილი ხარ,

ჩემსა მწევლად ვინ გშობა,

ნეტა ვისი შვილი ხარ.

რად გამიცან პირველად,

ეხლა რას მემალები,

შენი მზერით გამაძღე,

დამიბნელდეს თვალები.

როცა მინდა ვიცინო,

მის ადგილას ვტირი მე,

შენი გაცნობის დღიდან

ამრევია ტვინი მე.

შენგნით ენა დამება,

ხუთი წელი მუნჯი ვარ.

შემიბრალე, მიცოდე,

შენი-იეთიმ გურჯი ვარ.