შენამდე არა მიშავდა,

არც რა მიჭირდა შენამდე,

გნახე, მზეც გადამიშავდა,

ტრფობის ქარ-ცეცხლში შემაგდე.

შენამდე ლხინი მეწადა,

შენამდე რწმენით ვიცადე,

დღეს გულიც გადამეწვა და

ჩემს მტერს რაც მე განვიცადე.

შენამდე ლექსით ვქუხდი და

ლექსი მყვა ლხენის სათავე,

გულს ჯავრად დამიდუღდი და

არც მომკალ, არც გამათავე.

შენამდე არა მიშავდა,

არც რა მიჭირდა შენამდე,

გნახე, მზეც გადამიშავდა,

ტრფობის ქარ-ცეცხლში შემაგდე,

შენამდე...