ეპიდემია. ეპიდერმა, ცენტრები ეპის...

ძვრება ქუსლები გაქუსლულთა გაცვეთილ ქოშებს,

დგას ირგვლივ სუნი უსასრულო ჯაზის და რეპის,

რა უნდათ ბოშებს?

ალტერნატივა აღარ უჩანს სამთითა მუშტებს,

ეს ცერი მაინც ეცილება შუათითს ალაგს!

აქ ყოფნა უკვე აღარ უნდათ ჩაფუშულ ბუშტებს,

გაბერილებმა  თავის დროზე უგანეს ქალაქს.

გადასარბენზე თითქოს არ ჩანს წითელი შუქი,

ახლა სხვა ფერის თვალებს მალავს ლავსანის კეპი...

და ყველა სარჩულს გამოჰკვრია სილურჯე მუქი

ეპიდემია, ეპიდერმა, ცენტრები ეპის...