რამდენს ასწრებს დღე, დღეზე

გადაკერებული,

საამოა ავდარი -

გადაკარებული.

ქალი უფრო გაგიჟებს

მიუკარებელი;

ვერ მიუდგეს ეშმაკი

და ვერც მარებელი.

ახლო იყავ მზესთან, ახლა

ხარ დაშორებული,

გაშრა სისხლი, გეშრიტება

მზერა ქორებული.

ურჩმა თვითონ აირჩიე

გზა სიზმარეული...

სამარეშიც უნდა ჩაგყვეს,

ჟინი მორეული.

მისდევს ფიქრი ქარის ქრიალს,

ტოტი ექანება...

გიყვარს მარტო დარჩენა და

გაკიდეგანება.