დღეს კიდევ ერთი წელიწადი დავასამარე!..

გადაიფურცლა კალენდარი და იგი ახლა

საფლავის ქვას ჰგავს, რომ აღნიშნავს ჩემს მაგიდაზე

განსვენებული წელიწადის დამარხვის ადგილს.

ამ „საფლავის ქვას“ არ ამშვენებს ეპიტაფია:

„ჩყწ წელსა“ ან „შენდობა მითხარი, მგზავრო!“

მას აწერია ხელგაკრულად: სად, როდის, რატომ,

რაც მთავარია, ვისთან ერთად... ჰო, ვისთან ერთად

დროის მოკვლისთვის უნდა ვაგო ახლა პასუხი!