ტრიალებს დედაკაცი, -

ჯიშიანი ლომკაცის ღირსი,

ხელმძღანელობს

ქმარ-შვილის პურობას...

ტრიალებს დედაკაცი, -

შენი იყოს, თუ გინდა სხვისი -

რა სჯობია

მაგის ყურებას!

მოაქვს ხაჭაპური,

შემოგცქერის ალერსით პირში,

ახალისებს

სტუმრის გუნებას...

ტრიალებს დედაკაცი, -

შენი იყოს, თუ გინდა სხვისი, -

რა სჯობია

მაგის ყურებას!

ტრიალებს დედაკაცი,

დედაკაცო, შენით ვართ ლხინში!

მადლი მაღალ ღმერთს და

შენს გამჩენ ბუნებას!

ტრიალებს დედაკაცი, -

შენი იყოს, თუ გინდა სხვისი, -

რა სჯობია

(თუ კაცი ხარ!)

მაგის ყურებას!