სულში ნათელი ისე მიღამდა...

ეს ბედიც ჩემი ტყუპის ცალია;

როგორც შევძელი,

ისე მიყვარდა,

მე არ შემეძლო უფრო ძალიან.


ოცნებაც სულში ისე მიმიცხრა...

ღველფიღა შემრჩა -

კვამლის შემცველი;

ვინც ხელაღებით გადამივიწყა,

მეც დავივიწყე -

როგორც შევძელი.


ამ წუთისოფლის მთელი ავ-კარგი

დუღდა და სული კბილით მეჭირა,

არდასაკარგი

მაინც დავკარგე

და ვერ შევძელი

გადამერჩინა;


დავრჩი ამარა უფლის შეწევნის...

დრო კი მიფრინავს ქაფის მოგდებით...

ისე ვიცოცხლე -

როგორც შევძელი,

და როგორც შევძლებ -

ისე მოვკვდები!