|
შუაღამე გადავიდა, ასტყდა, ასტყდა ზარის რეკა, დიდი ზარიც ბოხს ხმას აძლევს, ზარბაზანმაც დაიჭექა! ხალხი მიდის საყრდისკენა, ადე ჩქარა, ტანთ ჩავიცოთ, დავგვიანდით მარტო ჩვენა... ხელთ უჭირავთ კელაპტრები; ადე, ბიჭო, ტანთ ჩაიცვი, მაგ საბანში რაღას ძვრები?! ხალხი იყრის მეტანიას, საყდრები სულ ლაპლაპებენ, გარს უვლიან ლიტანიას! ეკლესია მხიარულობს, ყველას ტუჩზედ ღიმი უქრის, მღვდელი გალობს და ლოცულობს! "ქრისტე აღდგა!" და ჩვენც ცქვიტად ვუპასუხეთ სუყველამა: "ჭეშმარიტად! ჭეშმარიტად!" მიყვარს, მიყვარს, მიყვარს დიდად; მოდი, გიგო, გადაგკოცნო! "ქრისტე აღდგა!", "ჭეშმარიტად!" მაგრა იყავ და კირკიტად... "ქრისტე აღდგა! ქრისტე აღდგა!" "ჭეშმარიტად! ჭეშმარიტად!" |
პოეზიის გვერდი • • •  • • • რაფიელ ერისთავის პოეზია |
