ჩვენს საუკუნეს რაღაც ეშლება -

უფლის საქმეში ხშირად ეჩრება, -

დაუკითხავად სახლში ეჭრება,

თქვენ როგორ ფიქრობთ, ვითომ შერჩება?..

თუ არ მოვქაჩეთ აღვირი მაგრად -

წონასწორობას მერანი კარგავს, -

ინგრევა, ვატყობ, მოდელი, ქარგა...

არა! - ეს, ძმაო, ხუმრობას არ ჰგავს!..

გულმოდგინებით ჯიუტი მწერის -

უკვე ცისფერი გახვრიტა ჭერი

და... ჩვენი ქოხის იატაკს აწვიმს, -

გვაცვივა ციდან ფერფლი და ჭვარტლი...

...ჩვენს საუკუნეს, მგონი, ეშლება -

უფლის საქმეში ურცხვად ეჩრება!..

სიმშვიდეს ურღვევს, სახლში ეჭრება, -

თქვენ როგორ ფიქრობთ, ვითომ შერჩება?..