მთარგმნელი: გრიგოლ აბაშიძე
ხშირად ოცნება მიმაფრენს ცაში, და მე არ ვიცი რას ვფიქრობ მაშინ. სამშობლოს თავზე დაფრინავს ფიქრი, სამყაროს თავზე ჩიტივით მივქრი. სიმღერა ამ დროს, რომ ვმღერი წყნარად, ნაზია მთვარის სხივების დარად.
მომავლისათვის ზრუნვა სჯობს იქნებ, მაგრამ მომავალს ღმერთს ანდობს ყველა, მივანდოთ, იყოს სიმღერა შველა. სიმღერა სავსე იის სურნელით, ჩიტივით ლაღი და უზრუნველი.
მეცხრე ცაზე ვარ, მესხმება ფრთები. მის ცისფერ თვალებს ჩავყურებ ხარბად, ასე ვარსკვლავი ტბას ჩასცქერს, ალბათ, სიმღერა ამ დროს რომ იბადება, სულში იშლება ტრფობის ვარდებად.
თუ არ ვუყვარვარ, დარდით ვსვათ ღვინო, როცა ვსვამ ღვინოს, როცა ვარ მთვრალი, რატომღაც მაშინ ჭრელდება თვალი, სიმღერაც, როცა მთვრალი ვიმღერი, ვით ცისარტყელა არის შვიდფერი.
სამშობლოს ხელს კი არის ხუნდები, ბროლის ჭიქების წკრიალს ორწილი ჩხრიალი ფარავს რკინის ბორკილის. და ვმღერი ამ დროს სავსე ნაღველით სამშობლოს სევდის გამომსახველი.
აღსდგეს, მტარვალებს ადინოს მტვერი, თუ იმედი აქვს მძინარეს ბანგით, რომ ბორკილს შესჭამს ოდესმე ჟანგი?! ამ დროს ვერ ვუცქერ ჩემს ხალხს გულგრილად, სიმღერას ვაქცევ ჭექა-ქუხილად. |
პოეზიის გვერდი • • • • • • შანდორ პეტეფის პოეზია |