პუშკინმა სკვერი არჩია

ლერმონტოვს ჰკლავენ ტრამალში

სიკვდილისაკენ გასწია

ლორდ ბაირონმა ლამანშით.

პეტეფიც მაგათ მხარშია, 

ისის ქარშია ფრთამალში

გვწამს ფედერიკო გარსია

უხორცოსავით მამაცი!

ვთქვათ, ტრაგედია არც კია:

თავგაყოფილი დრამაში,

ვახსენოთ, ხარჯი ხარჯია,

ესენინ, ბიჭი ლამაზი!

პოეტი - სხვაგან ასია,

საქართველოში - სამასი,

გალაკტიონი თავშია,

რაღა თქმა უნდა, ამაშიც...

დიდი პოეტი მსგავსია

და ყველა ერთი მთავარში:

სუყველა - დიდი ბავშვია,

უყვარს სიკვდილთან თამაში!