მე ჩემს დამაყაჩაღებელს ვეაჯები: მაპატიე,

ორიოდე რითმის მეტი - არაფერი მაბადია.

ნუ მაგინებ, რაკი თვითონ შეგეშალა მისამართი,

შემეშვი და დამეკარგე, წაშავდი და მისამარდი.

გაიხედე: ეს ქალაქი თითქმის ერთი ბანკია და

ადრესები დააზუსტე ფულის სარკოფაგიანთა.

ოღონდ კარგად გაზომე და შეყოვნდი და შეიცადე:

თუ წაგასწრეს, დღეებივით დაგითვლიან წელიწადებს.

ისიც გაიანგარიშე, ვიდრე წლები გამიზრდია:

მაცხოვარი არასოდეს არ აცხადებს ამნისტიას.