არაფერია, ხომ ვნახე, აქაც!

სამუდამო

სტყუა ნაპირიც!

რა გირჩევნია: იყოს იქ რაღაც,

თუ - არაფერი?!

დამხობილია კოშკები ბროლის -

უსულგულოდ, 

ჯიუტად, მკაცრად!

უკანასკნელის იმედის შორის

რას მაძლევ

ნაცვლად?!

გულზე მომეკარ, გულზე მომეკარ -

ღრმა არის წყლული -

ვიკითხოთ ერთად: „რისთვის მომიკალ,

რისთვის

მომიკალ გული?!“

ჩამკიდე ხელი: სიყრუე აქაც!

სამუდამო ყრუა ნაპირიც!

არის იქ რაღაც?! არის იქ რაღაც?!

თუ - არაფერი?!