იქნებ კიდეც აქვს სიყვარულს ზომა,

იქნებ კიდეც აქვს საზომ-საწყავი;

სულ ზედმეტია იქნებ ეს კვდომა,

ეს ბევრი ოხვრა გულდასაწვავი.

იქნებ მეტია ეს ცრემლის ღვარი,

ეს ბევრი სევდა, გულს ჩანაკირი...

იქნებ კიდეც აქვს სიყვარულს ზღვარი,

იქნებ კიდეც აქვს ზღუდე-ნაპირი,

მაგრამ არასდროს

ასჯერ ნატყვიარ

გულს არ ნდომია ეს ზღვარ-სამანი,

მე ეს მშვიდობა არც მინატრია, - 

მე სხვა რამ დამრჩა დღეს დასანანი.