დამწიფდი და გაიზარდე კანაფო

თავთავები გაიკეთე გამაღლდი

რომ პირველი ყინვის მერე გაგკაფო

და საწერად გავიმზადო ქაღალდი.

ღმერთმა ნუ ქნას ყოფნა უემოციოდ

საღამომდე დრო ხომ უნდა გავწელოთ

არ ჯობია გემრიელად მოვწიოთ

და რაიმე დავხატოთ ან დავწეროთ.

ბნელ ძალებზე სიტყვით მიწევს შეტევა

სანამ მთვარე შევა სულ სხვა ფაზაში

რომ იცოდეთ რამდენი რამ ეტევა

ერთ უეცრად წამონასროლ ფრაზაში.