შეიცვალა ქვეყანა

ხალხი მიამიტია

ის რაც ყველგან ეყარა

ეხლა დეფიციტია

ბევრი გამონაძირლდა

ბევრი ენა დაგრძელდა

ყველაფერი გაძვირდა

და საშოვნად გაძნელდა

ფული მუდამ არ გყოფნის

ვეღარ ვუდებთ რასაც ზღვარს

საკითხს ყოფნა არ ყოფნის

მისი ქონა განსაზღვრავს

და მუშაობს გონება

შედეგებიც ითვლება

რადგან ფულის ქონება

ჭკვიანობად ითვლება

შეინახავ სახლს რითი

რა ღირს საჭმელ საცმელი

ფულს შოულობს თაღლითი

ანდა მკვლელი მძარცველი

თუმც ბევრი მყავს მოწმენი

რომ ძვირია ნავთობი

ფულს შოულობს სპორტსმენი

და მასების გამრთობი

დიდი პიანისტია ეს თუ

დიდი მწერალი

სოტბია და კრისტია

პოეზიის მწვერვალი.