კეჟერა, მჟავე ფხალის

ბევრი გავტკვირე ხვიტი,

ბიჭი ათასი რამის

სიყვარულს ვინახვიდი.

ლოყაწითელა ბალის,

დამჭკნარს ვხურხნიდი მარცვლებს,

მიჭირს ჩამოთვლა ყოვლის,

რისგანაც განვიძარცვე.

ჩაშავებული მაყვლის,

ცერზე ცურავდა წვენი,

წენგოს დაყრიდა მალე,

ნიგვზები დასაცვენი.

გრძელყუნწა, ხიდან ხეზე

გადაპარული კვახი...

მწიფდა, ტოვებდა ნაღველს,

უნახველ-დასანახი.

ვიმცვრევდი, სთველისაკენ

მიმაქანებდა რაც რო;

გასცდი ეკალ-ბარდს, რამდენს,

ტან-ფეხო დანაკაწრო.