ქალო, ეჭვით ნუ უყურებ ჩემს შევერცხლილ თმას,

გუშინ თოვლით შეიმოსა არგინეთის მთაც,

მაგრამ მისი დაბერება, აბა, ვინა თქვას.

ამ ველების სიყვარულით ეს ჩანჩქერი მძლე,

რახანია ზედ ეფშხვნება თვალუწვდენელ კლდეს,

მაგრამ ვინ თქვას, რომ მის გზა-კვალს ცეცხლი აღარ სდევს!

სანამ მკერდში ჩაუმქრალი სიყვარული დუღს,

სანამ მიწას მზე დაჰხარის და გულს გული სურს,

სიბერე ვერ მოერევა თურმე კაცის გულს.