ბავშვი ოთახში ქოლგას მახურავს,

ჭერი გვაქვს, მაგრამ ვერ გვშველის ჭერი,

გამოქცევია წვიმა სახურავს,

მოუხატია სისველით ბჭენი.

მხატვრობა წვიმის უკვირს პატარას,

უკვირს, ვერ გვიცავს რადგან კრამიტი,

დაუკითხავად სახლში შემოდის

აჯანყებული სველი ამინდი.

ვზივართ ქოლგის ქვეშ, შიშით შევცქერით

დროით დაბზარულ ბებერ კრამიტებს,

შევცქერით ზეცას იმის იმედით,

რომ უსათუოდ გაიამინდებს.