ახმაურდება ოთახში ზარი გავხედავ გარეთ, არავინ არი... უეცრად კიბეს სიცილით, ტაშით და კისრისტეხით ჩაირბენს ბავშვი. ბავშვი, რომელმაც ზარი დარეკა. ოცი წლის წინათ მეც ამ ბიჭს ვგავდი გასაოცრად და გადასარევად. მეც ამ ბიჭს ვგავდი, რომელიც ახლა მე არ მასვენებს, ოცი წლის წინათ მეზობლის კარზე დამირეკია ზარი ასევე. ცელქობას მაინც ვერ შეველიე. როცა ოთახში ლექსად ვწრიალებ, მეზობლის ბიჭი შედგება ცერზე და არ მასვენებს ზარის წკრიალით. ასრულებიათ ნატვრა ამგვარად: როგორც მათ კარზე, ახლა ჩემს კართან ერთი ანგალი ვიღაც დამდგარა. ამ მისატყეპი ბიჭუნას ხელით. |
პოეზიის გვერდი • • • • • • მორის ფოცხიშვილის პოეზია |