ჩემო თვალის ჩინო!

ჩემო ნატვრის თვალო!

მათრობ, როგორც ღვინო!

საოცნებო ქალო!

ჩემთვის, ხიბლი შენი.

არის ხილი უცხო.

სიყვარულის სენი,

რად შემყარე? ურცხვო!

კარავი ხარ თბილი,

თუ შევძვერი - ვაი!..

დამაცადე ძილი,

კაი ახლა, კაი!

შენ ხარ ჩემი ხვედრი...

თუ გაკოცე - მტრისას!

შევაგებე მკერდი

კუპიდონის ისარს.

შენ მესტუმრე მაშინ

- ჩემში ქარი ქროდა.

დაჰქრის ახლა ცაში,

რაც კი დარდი მქონდა.

შენ გაფანტე ბინდი,

შენ დაბადე მთვარე,

შენ გაფურჩქნე შინდი

- ხარობს არე-მარე.

ცაზე მზეა ბაცი

სურვილი აქვს გგავდეს.

ჩემისთანა კაცი,

ნატრობს - გვერდით ჰყავდეს.

ფიქრები ამ ქალზე

მომატარებს ქუჩებს.

ვეჭვიანობ ხალზე,

რომ უკოცნის ტუჩებს.