ნეტავ, რამდენი ფული მეყოფა

- სხვისი სიცოცხლის შევძლო ხელყოფა?

ჩემთვის არ იყოს შეურაცყოფა,

სადღაც შეძრომა, თავის შეყოფა.

ნეტავ, დავლიო უნდა რამდენი,

რომ ბოროტების ვიყო ჩამდენი?

რომ მაღელვებდეს ნავთობსადენი,

შენთვის არ ვიყო ნატვრის ამხდენი.

ან რა თრიაქი მოვწიო უნდა,

გულში ჩავიდო რომ ბოღმის გუნდა?

რომ დავუმალო მათხოვარს ხურდა,

რომ დამავიწყდეს, გულით რაც მსურდა.

ნეტავ რამდენი უნდა დავწერო,

რაც კი მაწუხებს სრულად აღვწერო?

ეს არ მოხდება, თუნდაც დამცენ რომ,

თუნდაც ციმბირში გადამამსერონ.