შემოდგომების პატიოსნება,

კეთილშობილი კაცის სახელი. 

წარსულ დღეებზე ჩუმი ოცნება,

და ნაღვლიანი თვალის გახელა.

დაგვემკვიდრება სასუფეველი,

დავიმსახურებთ, ასე მგონია...

პატარა ამბავს კიდევ მოველი

და გათავდება ეს აგონია.

მცირე შეცდომებს დაგვამალიებს

თვე იანვარი თბილი ბუხრებით;

მხოლოდ ლექსების სატურნალიებს

გავყვებით მარტში, ცოტა მწუხრები.

მე მიხარია, როდესაც ბედი

ნაკლული მთვარის ნიშანით მიდის;

არის ინტიმი: - მალარმეს გედი,

და იმერეთში თამარის ხიდი.