მე სამკვიდრებელს აქ არ დავეძებ,

სხვაგვარი მივის ამისთვის გზები,

მიმირბის სული, სული ლტოლვილი

და მეც მივდივარ… აქ არა ვრჩები!

არსება ჩემი მონად ვინა თქვა,

დასაბამიდან აღსასრულისად?!

დაე, მონობამ მოცაჰკლას ხორცნი,

ხოლო არ ძალუძს მოკვლად სულისად!

ვიყავით მარხვად, მე და შენ, სულო,

სულო, აღდგომა მარხვას მიებას!..

ვიდრე სიცოცხლე დაგვტოვებს ჩვენი,

ნურც ჩვენ დავტოვებთ ლტოლვა-ძიებას!