ვახ, ცოცხალი თევზები - ჭიჭყინა და ჭანარი,

ნორჩი ბატკნის მწვადები - ყველაფერი აქ არი,

აქ კუპრიას დუდუკზე ისმის ტკბილი საარი,

შენ, რაც გინდა, ისა სთქვი, ჩვენი ეშხი სხვა არი.

უნდა ნახოთ, ძმებოჯან, დილით შემოტანილი,

პატარძლის დაკრეფილი კიტრები და მწვანილი,

ქეიფი და სიმღერა, ბაღდადური, შალახო,

მოკვდი, რაღა, ოხერო, თუ ეს ცეკვა ვერ ნახო!

უდუდუკოდ ქეიფი განა არის ცხოვრება?

ქალი, ღვინო, დუდუკი - აი, ჩვენი ცხონება.

- მე კი როცა მოვკვდები, ამ ჩემს გოგრა თავიდან

ჭიანური გათალეთ - თავისთავად დაუკრავს...