წინადადების წევრი ზოგჯერ რამდენიმე სიტყვით გადმოიცემა.

მაგალითად: ,,მე მოწაფე ვარ’’. აქ სამი სიტყვაა, წინადადების წევრი კი ორია. ,,მოწაფე ვარ’’ ერთი წევრია. კითხვა: ვინ ვარ მე? - მოწაფე ვარ.

,,ცოტა ხნის შემდეგ მთვარემ წვერი ამოყო’’ (ვაჟა). ამ წინადადებაში ექვსი სიტყვაა, წინადადების წევრი კი ოთხია: ,,ცოტა ხნის შემდეგ’’  ერთი წევრია. კითხვა: როდის ამოყო მთვარემ წვერი? პასუხი: ,,ცოტა ხნის შემდეგ’’.

,,ზამთრობით მგელი ესტუმრება ხოლმე ხმელ წიფელს’’ (ვაჟა). ამ წინადადებაში ექვსი სიტყვაა, მაგრამ წევრი ხუთია: ხ ო ლ მ ე  წინადადების წევრი არ არის, ის ზმნას ახლავს (ესტუმრება ხოლმე).

სავარჯიშო 1. წაიკითხეთ მაგალითები და გამოარკვიეთ, რამდენ - რამდენი სიტყვაა თვითეულ წინადადებაში, რამდენ - რამდენი წევრი და რა კითხვებზე მიუგებენ.

1. ნახევარი საათის შემდეგ ვერხვი დაბლა ეგდო. (ვაჟა),

2. ხეივანი მძიმე მტევნებით არის დატვირთული. (ჯავახ.).

3. ცოტა ხნის სემდეგ ახმაურებულ ვენახში სიჩუმრ ჩამოვარდ. (ევდ.).

4.ილია ჭავჭავაძე დაიბადა ათას რვაას ოცდაჩვიდმეტ წელს.

5. ჩვენ ახალგაზრდები ვართ (რაზ.)

6. გაზაფხულდა ბუჩქის ძირას თავს იწონებს ნაზი ია. (წერ.).

7. მაშინ თოთხმეტო წლისა ვიყავი. (ჭავჭ.).

8. მეომრები ქართველებს  შორის მოდიოდნენ. (გვეტ.).

სავარჯიშო 2. გადაიწერეთ მაგალითები. ერთი სიტყვით გადმოცემულ წინადადებების წევრს სწორი ხაზი გაუსვით, ორი სიტყვით გადმოცემულ წევრს - კლაკნილი.

ნ ი მ უ შ ი: მ ე პაწია მერცხალი ვარ (მღვ.).

1. თქვენ ვინ ბრძანდებით? - ჰკითხა დირექტორმა.  - მასწავლებელი ვარ. (ლ.მეგრ.).

2. ჩვენ თქვენი სტუმრეი ვართ. (ყაზ.).

3. ქვებს შუა ათასობით ეწყო თევზის პაწაწინა კვერცხები.(გოგ.).

4. მშვენიერი სანახავია მოწმენდილი ცა განთიადის წინ. (გოგ).

5. პეპიას ფერი შესცვლია თურმე. (ჭავ).

6. ორი კურდღლის მდევარი ერთსაც ვერ დაიჭერსო. (ანდ.).